राज्यपाल स्वर्ण कप: सुदेवा दिल्लीलाई पराजित गर्दै गोकुलम केरला सेमिफाइनलमा

गान्तोक, 09 अक्टोबर। राजधानीको पाल्जोर स्टेडियममा जारी ४२औँ अखिल भारतीय राज्यपाल स्वर्ण कप फुटबल प्रतियोगिता २०२६ अन्तर्गत आज सम्पन्न पहिलो क्वार्टरफाइनल खेलमा गोकुलम केरला एफसीले सुदेवा दिल्लीलाई २-१ गोलले पराजित गर्यो। निकै प्रतिस्पर्धात्मक एवं रोमाञ्चक खेलमा गोकुलम केरलाले प्रतिद्वन्द्वी दललाई पराजित गरी सेमिफाइनलमा स्थान सुरक्षित गरेको छ।केरलाका तर्फबाट जर्सी नम्बर ७ भिक्टरले खेलको ६३औँ र ७२औँ मिनेटमा गोल गर्दै टोलीलाई जित दिलाए। सुदेवा दिल्लीका तर्फबाट जर्सी नम्बर १८ सुआन्तक भोइफेईले खेलको ६६औँ मिनेटमा एक गोल फर्काए।प्रतियोगिताअन्तर्गत भोलि, १० अक्टोबरमा दोस्रो क्वार्टरफाइनल खेल सिङ्लिङ एससी र नर्थ इस्ट युनाइटेडबीच हुनेछ। उक्त खेल पाल्जोर स्टेडियममा फ्लडलाइटमा साँझ ६ बजीदेखि शुरु हुनेछ। सिङ्लिङ एससीले प्रि-क्वार्टरफाइनल खेलमा ओयल एफटी असमलाई पराजित गर्दै क्वार्टरफाइनलमा प्रवेश गरेको हो। अर्कोतर्फ, नर्थ इस्ट युनाइटेडले भोलि प्रतियोगितामा आफ्नो पहिलो खेल खेल्नेछ।