गान्तोक, 25 अगस्त। सिक्किम विधानसभा अध्यक्ष मिङ्गमा नर्बु शेर्पाको अगुवाईमा उपाध्यक्ष राजकुमारी थापा र राज्य विधानसभा टोलीले दिल्ली विधानसभामा आयोजित अखिल भारतीय विधानसभा अध्यक्ष र उपाध्यक्षहरूको सम्मेलनको उद्घाटन कार्यक्रममा भाग लियो। सम्मेलन दिल्ली विधानसभामा प्रथम भारतीय निर्वाचित अध्यक्षको रूपमा बिट्ठलभाई झावेरभाई पटेलद्वारा कार्यभार ग्रहणको शताब्दीको उपलक्ष्यमा आयोजना गरिएको थियो।
सम्मेलनको उद्घाटन केन्द्रिय गृहमन्त्री अमित शाहले गरेका थिए। कार्यक्रममा केन्द्रिय संसदीय मामिला मन्त्री किरेन रिजिजु, दिल्लीका उपराज्यपाल वीके सक्सेना, मुख्यमन्त्री रेखा गुप्ता लगायत देशभरिबाट आएका विधानसभा अध्यक्षहरू, उपाध्यक्षहरू आदि उपस्थित थिए।
सम्मेलनको दोस्रो सत्रमा स्वतन्त्रता आन्दोलन र सामाजिक सुधारहरूमा स्वतन्त्रतापूर्व केन्द्रिय विधानमण्डलका राष्ट्रवादी नेताहरूको भूमिका र भारत- ‘लोकतन्त्रकी जननी’ विषयमा वार्ता प्रस्तुत गरिएको थियो।
यसैगरी, सॉंझ प्रतिनिधिहरू ब्रिजटाउन, बार्बाडोसमा 6 देखि 12 अक्टोबर, 2025 सम्म आयोजना हुने 68औं राष्ट्रमण्डल संसदीय सम्मेलनमा सहभागिता विषय आयोजित बैठकमा सहभागी बने। लोकसभा सचिवालयको सम्मेलन हलमा आयोजित उक्त बैठकको अध्यक्षता लोकसभा अध्यक्ष ओम बिरलाले गरेका थिए।
