सिक्किमले लगातार तेस्रो जित दर्ता गर्दै नागाल्याण्डलाई आठ विकेटले पराजित गर्‍यो

गान्तोक, 10 फरवरी । भुवनेश्वरमा आज खेलिएको वरिष्ठ महिला एकदिवसीय ट्रफी (प्लेट) मा सिक्किमले नागाल्याण्डमाथि आठ विकेटको जित हासिल गरेको छ। बलरहरूले नागाल्याण्डलाई १४८ रनमा अलआउट गरेपछि सिक्किमले १४९ रनको लक्ष्य सहजै हासिल गऱ्यो। सिक्किमकी प्रीतिका छेत्री र दीपा दास दुवैले अर्धशतक लगाए।
प्रीतिकाले एक सय बलमा नौ चौका प्रहार गर्दै ६९ रन बनाइन् भने दीपाले अपराजित ५७ रन बनाइन्। प्रीतिका र दीपाले १२२ रन बनाएर टोलीको जितमा महत्वपूर्ण योगदान दिए। सिक्किमले नागाल्याण्डलाई ४९.१ ओभरमा १४८ रनमा अलआउट गरेको थियो।
नागाल्याण्डले अन्तिम ओभरसम्म ब्याटिङ गरे तापनि सिक्किमका बलरहरूको टाइट लाइन र लेन्थका कारण स्वतन्त्र रूपमा स्कोर गर्न निकै संघर्ष गर्नु पऱ्यो। १७ वर्षीया दीक्षा छेत्रीले २९ रन दिएर ३ विकेट लिइन्। क्याप्टन सारिका कोली र प्रिमुला छेत्रीले दुई-दुई विकेट लिए भने मरियम सुब्बा र तबिता सुब्बाले एक-एक विकेट लिए। दीपा दासलाई उत्कृष्ट खेलाडी घोषित गरियो।
यस परिणामका साथै सिक्किम अङ्क तालिकामा दोस्रो स्थानमा रहेको छ। समूहका शीर्ष दुई दलले फाइनल खेल्नेछन्।