मुख्यमन्त्रीले राजधानीमा चलिरहेको निर्माण र नवीकरण कार्यको निरीक्षण भ्रमण गरे

गान्तोक, 29 अप्रेल। मुख्यमन्त्री प्रेमसिंह तामाङले सिक्किम राज्यको आगामी स्वर्ण जयन्ती समारोहको तयारीको लागि चलिरहेको निर्माण र नवीकरण कार्यको निरीक्षण गर्न आज राजधानीका विभिन्न प्रमुख स्थलहरूको भ्रमण गरे। यस भ्रमण अवधि मुख्यमन्त्रीको साथमा विभिन्न विभागका वरिष्ठ अधिकारीहरू उपस्थित थिए।
मुख्यमन्त्रीले यस ऐतिहासिक उपलब्धिको महत्त्व र गौरवलाई प्रतिबिम्बित गर्न यी कामहरू भइरहेको आज सामाजिक सञ्जाल पोस्टमा उल्लेख गरेका छन्। भ्रमण अवधि उनले कार्य प्रगतिको समीक्षा गर्नुका साथै चलिरहेका परियोजनाहरूको गुणस्तर र समयसीमा मूल्याङ्कन गरे र यसमा संलग्न अधिकारीहरू र कामदारहरूसँग अन्तरक्रिया पनि गरे।
मुख्यमन्त्रीले सरकारको उद्देश्य भनेको विगत 50 वर्षको सिक्किमको उल्लेखनीय यात्रालाई सम्मान गर्ने एउटा अविस्मरणीय र अर्थपूर्ण उत्सव सिर्जना गर्नु रहेको बताएका छन्। उनले अथक प्रयास गर्ने सबैको समर्पणको प्रशंसा गर्दै उत्कृष्टताको लागि आफ्नो प्रयास जारी राख्न सबैलाई आग्रह गरेका छन्।