मुख्यमन्त्रीले सिलगढ़ीमा पहाडी माता मन्दिरको उद्घाटन गरे

गान्तोक, 25 जुलाई। मुख्यमन्त्री प्रेमसिंह तामाङले गुप्त नवरात्रिको शुभ समापनको अवसरमा सिलगढ़ीस्थित पहाडी माता मन्दिरको उद्घाटन गरेका छन्। यस अवसरमा उनले माता दुर्गाको पूजा-अर्चना गर्दै सिक्किमका सम्पूर्ण जनताको शान्ति, समृद्धि, सुस्वास्थ्य तथा कल्याणको कामना गरेका छन्।यस पवित्र अवसरमा दार्जिलिङका सांसद राजु बिष्ट तथा दार्जिलिङ जिल्लाको फाँसिदेवा निर्वाचन क्षेत्रका विधायक दुर्गा मुर्मू पनि सहभागी रहेको उनले आज सामाजिक सञ्जालमा बताएका छन्।मुख्यमन्त्रीले हाम्रो समृद्ध आध्यात्मिक सम्पदाले सधैं सद्भाव, करुणा र निःस्वार्थ सेवाका मूल्यहरूलाई प्रेरणा दिँदै आएको उल्लेख गरेका छन्। उनले दिव्य माताले प्रत्येक परिवारलाई शक्ति, सुख र समृद्धिको आशीर्वाद प्रदान गरून्, सबै समुदायबीच एकताको भावना अझ प्रगाढ़ बनोस् तथा धर्म, समावेशी विकास र दिगो समृद्धिको मार्गमा हामी सबैलाई अघि बढ्न प्रेरणा मिलोस् भन्ने कामना व्यक्त गरेका छन्।