मुख्यमन्त्री प्रेमसिंह तामाङ सिक्किम@50 सम्मेलनमा सहभागी बने

गान्तोक, 22 मई। सिक्किम राज्य स्थापनाको स्वर्ण जयन्तीको अवसरमा आज इण्डिया टुडे ग्रुपले नयॉं दिल्लीमा सिक्किम सरकारको सहकार्यमा सिक्किम@50 सम्मेलन आयोजन गऱ्यो। सम्मेलनमा मुख्यमन्त्री प्रेमसिंह तामाङले भाग लिए।
अन्तरक्रियाको क्रममा मुख्यमन्त्रीले सिक्किमको यात्रा र उपलब्धिहरूलाई राष्ट्रिय मञ्चमा पुर्‍याउने कार्यक्रमको हिस्सा बन्न पाएकोमा गर्व व्यक्त गरे। सम्मेलनमा मुख्यमन्त्रीले आफ्नो सरकारको नेतृत्वमा राज्यले गरेका उल्लेखनीय प्रगतिहरू, विभिन्न क्षेत्रहरूमा परिवर्तनकारी पहलहरूमाथि प्रकाश पारे। उनले मेरो रुख मेरो सन्तति जस्ता सरकारका ध्वजवाहक कार्यक्रमहरूको बारेमा जानकारी गराए भने स्वास्थ्य र शिक्षाको क्षेत्रमा भएका प्रमुख प्रगतिहरूको उल्लेख गरे।
मुख्यमन्त्रीले आफ्नो सम्बोधनको क्रममा उनको भलाई र आवश्यकतामा परेकाहरूलाई प्रदान गरिएको सेवाको लागि, विशेष गरी स्वास्थ्य र शिक्षाको क्षेत्रमा, सम्झना गरियोस् भन्ने इच्छा रहेको मन्तव्य व्यक्त गरे। केन्द्रसँग सिक्किमको सम्बन्धबारे बोल्दै उनले राज्यको केन्द्र सरकारसँग घनिष्ठ र सकारात्मक सम्बन्ध रहेको अवगत गराए। सिक्किमको भारत सरकारले अत्यधिक प्रशंसा गर्छ भनी उनले बताए।
मुख्यमन्त्रीले देशका प्रधानमन्त्री नरेन्द्र मोदीले सिक्किमको भ्रमण गरेको र राज्य स्थापनाको 50औं वर्षको उत्सवमा सिक्किमका जनतासॅंग सामेल भएको हेर्न चाहन्छौं भनी बताए। यस अवसरमा उनले सिक्किमको विकास यात्रामा भारत सरकारको निरन्तर सहयोगको लागि कृतज्ञता व्यक्त गरे। उनले सिक्किमका जनतालाई धेरै क्षेत्रहरूमा एक आदर्श राज्यको रूपमा स्थापित गर्न गरेको विश्वास, सहयोग र योगदानको लागि धन्यवाद दिए।
एक प्रश्नको जवाफमा मुख्यमन्त्रीले सबैभन्दा कमजोर सिक्किमी नागरिकहरूको लागि राज्यको स्वास्थ्य क्षेत्रलाई रूपान्तरण गर्ने आफ्नो शासनको विरासतलाई पछाडि छोड्ने इच्छा व्यक्त गरे। उनले सम्मेलन आयोजनाको लागि आयोजकको प्रशंसा गर्दै यस सम्मेलनले राज्यका कथाहरू, आकांक्षाहरू र उपलब्धिहरूलाई राष्ट्रिय मञ्चमा राख्ने अवसर प्रदान गरेको बताए।