गान्तोक, 04 सेप्टेम्बर। सिक्किम सरकारको ध्वजवाहक कार्यक्रम ‘कनेक्ट टु अर्थ’ अन्तर्गत सिक्किम सरकार र सेण्ट्रल पान्डम बहुउद्देश्यीय सहकारी संस्था (एमपीसीएस) बीच आज पाकिमको एडीसी (विकास) कार्यालयमा संयुक्त उद्यम साझेदारी सम्झौता (जेवीपीए) र एमओयूमा हस्ताक्षर गरियो। सिक्किम सरकारको तर्फबाट पाकिम जिल्लाका एडीसी (विकास) रबिन सेवा र सेण्ट्रल पान्डम एमपीसीएसका अध्यक्ष सुदीप प्रधानले औपचारिक रूपमा सम्झौतामा हस्ताक्षर गरे।
यो पहललाई पर्यावरणमैत्री जीवनयापन, सांस्कृतिक संरक्षण, दिगो पर्यटन र सहकारी-सञ्चालित विकासलाई प्रवर्द्धन गर्ने मोडेलको रूपमा परिकल्पना गरिएको छ। यस सम्झौताका प्रमुख उद्देश्यहरू पर्यावरणमैत्री कब हाउस र प्राकृतिक झुपडीहरूको स्थापना, सिक्किमको परम्पराको प्रदर्शन, सहकारी र एसएचजी मार्फत स्थानीय रोजगारी सिर्जना, इको-टूरिज्म र जैविक पारिवारिक जीवनको लागि मोडेल सिर्जना, र व्यावसायिक स्थानहरू आवण्टित गरेर राज्य सरकारको स्वामित्वमा रहेका उद्यमहरूको प्रवर्द्धन समावेश छन्।
कार्यान्वयन र क्रियान्वयनको लागि एक वर्षको स्थगन अवधिसहित सम्झौता 31 वर्षको लागि मान्य रहनेछ। एडीसी (विकास) को अध्यक्षतामा रहेको संयुक्त सञ्चालक समितिले प्रमुख विभागहरूको प्रतिनिधित्व सहित योजना, कार्यान्वयन, अनुगमन र मूल्याङ्कनको निरीक्षण गर्नेछ। एमओयुमा भूमिका र जिम्मेवारीहरू, वित्तीय व्यवस्था, पूर्वाधार विनियोजन, अनुगमन र मूल्याङ्कन संयन्त्रहरूको प्रावधान पनि राखिएको छ।
एडीसी सेवाले यो पहल मुख्यमन्त्रीको ‘एक परिवार, एक उद्यमी’ योजनाको दृष्टिकोणसँग मिल्दोजुल्दो रहेको बताउॅंदै यसको समग्र दृष्टिकोणमा योगदान पुर्याउनेछ भनी बताए। उनले राज्यको स्वामित्वमा रहेको उद्यम तिमी टीले कनेक्ट टु अर्थ पहल अन्तर्गत आफ्नो आउटलेट स्थापना गर्नेछ पनि जानकारी गराए।
