वरिष्ठ एएनएम मधुमाला गुरुङ प्रतिष्ठित नेशनल फ्लोरेन्स नाइटिङ्गेल पुरस्कार २०२६ ले सम्मानित, मुख्यमन्त्रीले दिए बधाई

गान्तोक, 12 मई । मुख्यमन्त्री प्रेमसिंह तामाङले रम्फू प्राथमिक स्वास्थ्य केन्द्रकी वरिष्ठ एएनएम मधुमाला गुरुङलाई प्रतिष्ठित नेशनल फ्लोरेन्स नाइटिङ्गेल पुरस्कार २०२६ बाट सम्मानित भएकोमा हार्दिक बधाई दिएका छन्। आज नयाँ दिल्लीस्थित राष्ट्रपति भवनमा आयोजित एक भव्य समारोहमा राष्ट्रपति द्रौपदी मुर्मुले उनलाई उक्त पुरस्कार प्रदान गरिन्।
मुख्यमन्त्री कार्यालयले भनेको छ, मधुमाला गुरुङलाई वर्षौंदेखि स्वास्थ्य सेवा क्षेत्रमा उनको अनुकरणीय योगदान, नर्सिङ उत्कृष्टता र समर्पित सेवाको कदर गर्दै सम्मान गरिएको छ। उनको उल्लेखनीय उपलब्धिले सम्पूर्ण राज्यलाई गौरवान्वित तुल्याएको छ। मुख्यमन्त्रीले प्रतिष्ठित सम्मानका लागि एएनएम गुरुङलाई बधाई दिँदै समाजप्रति उनको प्रतिबद्धता र निस्वार्थ सेवाको प्रशंसा गरेका छन्। उनले स्वास्थ्य सेवाको उत्कृष्ट क्षेत्रमा उनको निरन्तर सफलताको कामना गरेका छन्।
नेशनल फ्लोरेन्स नाइटिङ्गेल पुरस्कार नर्सिङ व्यावसायिकहरूका लागि देशको सर्वोच्च सम्मानहरू मध्ये एक हो, जसले स्वास्थ्य सेवाको क्षेत्रमा असाधारण समर्पण र सेवालाई मान्यता दिन्छ।