एसडीएफ अध्यक्ष चामलिङले तीजको राज्यवासीहरूमा शुभकामना दिए

गान्तोक, 26 अगस्त। पूर्व मुख्यमन्त्री तथा एसडीएफ पार्टी अध्यक्ष पवन चामलिङले तीजको शुभ अवसरमा राज्यवासीहरूमा हार्दिक शुभकामना व्यक्त गरेका छन्।
एसडीएफ अध्यक्षले आज जारी आफ्नो सन्देशमा भने, भक्ति, विश्वास र एकताको उत्सव तीजले हाम्रो परम्परामा विशेष स्थान राख्दछ। यस पर्वले त्यस शक्ति, त्याग र प्रेमको सम्झाना गराउॅंछ जुन हाम्रा चेलीहरूले हाम्रो परिवार र समुदायमा समाहित गर्छन्।
उनले अझ भने, यो पर्व भगवान शिव र देवी पार्वतीको दिव्य मिलनसँग सम्बन्धित छ, जुन अटल भक्ति र सद्भावको प्रतीक हो। सिक्किममा जहाँ हाम्रो समाज विविधता र साझा सम्पदाको जगमा निर्मित छ, तीजले हामीलाई प्रेम, एकता र लचिलोपनको मूल्यलाई कायम राख्दै हाम्रा सांस्कृतिक जराहरूको संरक्षणको महत्त्वको सम्झना गराउँछ।
एसडीएफ अध्यक्षले यस शुभ दिनमा हामी हाम्रा परिवार र साथीहरूसँग भेला हुँदा, हाम्रो घर, हाम्रो समुदाय र हाम्रो राज्यलाई आकार दिन महिलाहरूको योगदानलाई सम्मान गर्न एक क्षण निकालौं भनी मन्तव्य व्यक्त गरेका छन्। यस तीजले सिक्किमका प्रत्येक घरमा शान्ति, खुशी र समृद्धि लिएर ओवोस् भनी उनले कामना पनि गरेका छन्।