गान्तोक, 08 फरवरी। भारतीय जनता पार्टी (भाजपा) सिक्किमले दिल्ली विधानसभा चुनाउमा भएको जितको लागि प्रधानमन्त्री नरेन्द्र मोदी, गृहमन्त्री अमित शाह, भाजपा राष्ट्रिय अध्यक्ष जेपी नड्डा र सम्पूर्ण भाजपा दिल्ली परिवारलाई हार्दिक बधाई दिएको छ।
प्रदेश भाजपाले विज्ञप्तिमा भनेको छ, ‘यो विजय ‘मोदी म्याजिक’ र भाजपाको विकासात्मक एजेन्डाको उत्कृष्ट प्रमाण हो, जसले आप सरकारको नेतृत्वमा रहेको तुष्टीकरण र भ्रष्टाचारको राजनीतिलाई ओझेलमा पारेको छ। दिल्लीका जनताले भाजपामाथि आफ्नो विश्वास व्यक्त गरेका छन् र हामी यो जनादेशको लागि आभारी छौं।’
प्रदेश भाजपाले पार्टी कार्यकर्ताहरूको समर्पण र कडा परिश्रमकै कारण ऐतिहासिक जित भएको बताउॅंदै कार्यकर्ताहरूको अथक परिश्रमको प्रशंसा गरेको छ। कार्यकर्ताहरूको नि:स्वार्थ प्रयासले दिल्ली र सम्पूर्ण राष्ट्रको उज्ज्वल भविष्यको लागि मार्ग प्रशस्त गरेको भाजपाले दाबी गरेको छ।
प्रदेश भाजपाले प्रधानमन्त्री नरेन्द्र मोदीको मार्गदर्शनमा सफल विकास यात्राको लागि हार्दिक शुभकामना व्यक्त गर्दै यो विजय दिल्ली र राष्ट्रका जनताको लागि समृद्धि, प्रगति र विकासको अग्रदूत बनोस् भनी कामना पनि गरेको छ।
