बार एसोसिएशन अफ् सिक्किम, उच्च न्यायालय र अधीनस्थ अदालतहरूको नयॉं कार्यकारी समिति गठित

गान्तोक, 05 मई। बार एसोसिएशन अफ् सिक्किम, उच्च न्यायालय र अधीनस्थ अदालतहरूको नयॉं कार्यकारी समिति गठनलाई लिएर आज जिल्ला न्यायालय परिसरस्थित मुख्य बार रूममा चुनाउ सम्पन्न भयो। चुनाउ मुख्य रूपमा तीन पद उपाध्यक्ष, कार्यकारी सदस्य III र कार्यकारी सदस्य IV लाई लिएर सम्पन्न गरियो भने रहल पदहरूमा उम्मेदवारहरू निर्विरोध निर्वाचित भए।
चुनाउ आयुक्त वरिष्ठ अधिवक्ता एसएस हमालले आज जारी गरेको प्रेस विज्ञप्ति अनुसार, अध्यक्ष पदमा टाशी राप्तेन बर्फुङ्गपा, उपाध्यक्ष पदमा नवरत्न शारदा, महासचिव पदमा छेवाङ नामग्याल, सहायक महासचिव I पदमा अमित राई, सहायक महासचिव II पदमा प्रदीप शर्मा, कोषाध्यक्ष पदमा पेमा ओङचु भोटिया, सहायक कोषाध्यक्ष पदमा पासाङ छिरिङ भोटिया र लाइब्रेरी सचिव पदमा सुशान्त सुब्बा निर्वाचित भएका छ।
यस अतिरिक्त, प्रमित छेत्री, मेरिना राई, पेमा दिछेन भोटिया, तारादेवी छेत्री र टाशी डोमा शेर्पा कार्यकारी सदस्य निर्वाचित भएका छ। नयॉं कार्यकारी सदस्यहरूको कार्यकाल तीन वर्ष, मई 2025 देखि अप्रेल 2028 सम्म रहने बताइएको छ।