नागरिक सुरक्षा दल गठन गर्ने सीएपीको घोषणा एसकेएमद्वारा कानून र लोकतान्त्रिक प्रणालीको पवित्रतामाथि प्रत्यक्ष आक्रमण ठहर

गान्तोक, 23 जुलाई। सिटिजन एक्सन पार्टी (सीएपी) सिक्किमले गरेको ‘नागरिक सुरक्षा दल’ गठन गर्ने घोषणालाई लिएर सत्तारुढ सिक्किम क्रान्तिकारी मोर्चा (एसकेएम) पार्टीले कडा प्रतिक्रिया जनाएको छ। एसकेएम पार्टीले सीएपीको उक्त घोषणालाई असंवैधानिक तथा देशको कानून र लोकतान्त्रिक प्रणालीको पवित्रतामाथि प्रत्यक्ष आक्रमण ठहर गरेको छ।
एसकेएम प्रवक्ता कविता सापकोटाले आज प्रेस विज्ञप्तिमा भनेकी छिन्, ‘कुनै पनि व्यक्ति, समूह वा पार्टी कानून र भारतको संविधानभन्दा माथि हुन सक्दैन। राज्यको प्रहरीको बराबरको निजी सशस्त्र समूह बनाउने कल्पना नै शान्ति र सुरक्षा दुवैका लागि खतरा हो।’ उनले प्रहरीको मुख्य काम सार्वजनिक सुरक्षा सुनिश्चित गर्नु, नागरिकको जीवन र सम्पत्तिको रक्षा गर्नु, अपराध नियन्त्रण र अनुसन्धान गर्नु, सार्वजनिक शान्ति कायम राख्नु र न्यायालयको आदेश र निर्णयको कार्यान्वयन गर्नु रहेको बताएकी छिन्।
उनले अझ भनेकी छिन्, कुनै पनि निजी संगठनले ‘सिक्किम प्रहरीको बराबरमा’ काम गर्ने भनाइ राख्नु भनेको कानूनभन्दा माथि जाने प्रयास हो, जुन सीधा–सीधा देश र राज्यको शान्ति र सुरक्षा विरुद्धको चुनौती हो। सिटिजन एक्सन पार्टी देश, कानून र सुरक्षाभन्दा माथि हुन सक्दैन। यस्ता दाबी र क्रियाकलापहरू मूर्खतापूर्ण मात्र होइनन्, देशविरोधी सोचको परिचायक पनि हुन्।
नागरिकहरूको सुरक्षा र शान्ति स्थापना गर्ने जिम्मा संविधानले दिएको राज्यको कानुनी संयन्त्र अर्थात् सिक्किम प्रहरीको हो भन्ने एसकेएम दृढतापूर्वक विश्वास गर्दछ भन्दै उनले कानून र संविधान सधैँ यस्ता नाटकीय र गैरकानुनी विचारहरू भन्दा माथि रहने बताएकी छिन्।
[7:37 pm, 23/7/2025] Bishal Da hindustan Times: नाबालिग केटीमाथि यौन दुर्व्यवहार, आफन्त पक्राउ
गान्तोक, 23 जुलाई। नाम्ची पुलिस थाना क्षेत्रमा एउटी 11 वर्षीय नाबालिगमाथि यौन दुर्व्यवहार भएको मामिला अघि आएको छ। यस घटनाको सम्बन्धमा नाबालिगकी एक आफन्तलाई पक्राउ गरिएको छ।
पुलिस रिपोर्टमा उल्लेख गरिएअनुसार, पीडित नाबालिगकी आमाले मंगलवार पुलिस थानामा आफ्नी 11 वर्षीय नाबालिग छोरीमाथि यौन दुर्व्यवहार भएको विषयमा लिखित एफआईआर दर्ता गराएकी छिन्। महिलाले उनकै एक आफन्तले नाबालिग छोरीमाथि विगत तीन वर्षदेखि यौन दुर्व्यवहार गरेको दाबी गरेकी छिन्।
जॉंच प्रक्रियाको क्रममा नाबालिग पीडितको जिल्ला अस्पतालमा चिकित्सा जॉंच गरियो। पुलिसले आरोपी व्यक्तिलाई पक्राउ गरेर जॉंच शुरू गरेको छ। पुलिसले यस घटनाको सम्बन्धमा पोक्सो अधिनियम, 2012 अन्तर्गत मामिला दर्ता गरिएको छ।