भ्रष्ट व्यवस्थाले विकास, रोजगारी, शिक्षा, स्वास्थ्य तथा आधारभूत सेवामा नकारात्मक प्रभाव पारेको छ: गणेश राई

गान्तोक, 18 जून। सिटिजन एक्सन पार्टी (सीएपी) सिक्किमको एक सांगठनिक समन्वय सभा आज योक्सम-टासीडिङ निर्वाचन क्षेत्रको नेसा पोखरी डाँडामा सम्पन्न भयो। सभामा पार्टीका अध्यक्ष गणेश के. राई लगायत महासचिव (संगठन) प्रकाश पराजुली, उपाध्यक्ष तथा संगठन प्रभारी किरण जिम्बा, पार्टी कार्यकर्ताहरू आदि उपस्थित थिए।कार्यक्रममा अध्यक्ष राईले स्थानीय जनतासँग प्रत्यक्ष अन्तरक्रिया गर्दै उनीहरूका समस्या, गुनासा तथा सुझाउहरू सुनेका थिए। आफ्नो सम्बोधनका क्रममा उनले राज्यका नागरिकहरूले दैनिक जीवनमा भोगिरहेका दुःख, संघर्ष र असुविधाहरूको मूल कारण राज्यमा मौलाएको भ्रष्टाचार तथा वर्षौंदेखि जरा गाडेर बसेको भ्रष्ट संस्कृति रहेको बताए। उनले भने, भ्रष्ट व्यवस्थाले विकास, रोजगारी, शिक्षा, स्वास्थ्य तथा आधारभूत सेवामा नकारात्मक प्रभाव पारेको छ।उनले सीएपी सिक्किमको सरकार किन आवश्यक छ भन्ने विषयमा पार्टीको दृष्टिकोण राख्दै सुशासन, पारदर्शिता, जवाफदेहिता र जनसहभागितामा आधारित शासन व्यवस्थाको खाका प्रस्तुत गरे। साथै, उनले र्टीको नेतृत्वमा सिक्किमलाई समृद्ध, न्यायपूर्ण र अवसरयुक्त राज्यका रूपमा विकास गर्ने प्रतिबद्धता व्यक्त गरे।कार्यक्रममा केही स्थानीय नागरिकहरूले स्वेच्छाले पार्टीमा प्रवेश गरेकाे प्रेस विज्ञप्तिमा उल्लेख छ। नवप्रवेशी सदस्यहरूलाई पार्टी नेतृत्वले स्वागत गरे।