मुख्यमन्त्री चौथो सब-जुनियर र सीनियर नेशनल च्याम्पियनशिपमा उपस्थित भएर खेलाडीहरूको हौसला बढाए

गान्तोक, 29 अगस्त। मुख्यमन्त्री प्रेमसिंह तामाङले आज ओडिशाको कटकस्थित जवाहरलाल नेहरु इन्डोर स्टेडियममा आयोजित चौथो सब-जुनियर र सीनियर नेशनल च्याम्पियनशिप 2025 (क्योरुगी र पुमसे) मा उपस्थित भएर खेलाडीहरूको हौसला बढाए।
गत 28 अगस्तदेखि 2 सेप्टेम्बर, 2025 सम्म आयोजना भइरहेको उक्त प्रतियोगितामा सिक्किमलाई प्रतिनिधित्व गर्दै सिक्किम अमेचुअर ताइक्वाण्डो एसोसिएशनका कार्यकारी, प्रशिक्षक र खेलाडीहरूको 51 सदस्यीय टोलीले भाग लिइरहेको छ।
मुख्यमन्त्री तामाङले देशभरका युवा र वरिष्ठ खेलाडीहरूलाई एकै ठाउँमा ल्याएर आयोजना गरिएको च्याम्पियनशिप हेर्न पाउनु साँच्चै रमाइलो र अविस्मरणीय क्षण रहेको बताए। उनले सहभागीहरूले अपार प्रतिभा, समर्पण र खेल भावना प्रदर्शन गरेकोमा प्रशंसा गरे।
यस प्रतियोगितामा मुख्यमन्त्रीकी छोरी प्रक्रिया तामाङले पनि भाग लिएकी छन्। उनले व्यक्तिगत फ्रिस्टाइल पुमसे सब-जुनियर वर्गमा रजत पदक जितेर राज्यको नाम रोशन गरेकी छन्।