सिक्किम अन्तरराष्ट्रिय चलचित्र महोत्सवको दोस्रो दिन सिनेमामा अवसर र चुनौतीहरूमाथि प्यानल चर्चा

गान्तोक, 20 मार्च। राजधानीमा जारी सिक्किम अन्तरराष्ट्रिय चलचित्र महोत्सव २०२६ को दोस्रो दिन आज चिन्तन भवनमा प्यानल चर्चाबाट शुरु भयो, जसको विषय ‘भविष्यको निर्माण: सिक्किममा चलचित्रहरूको सुदृढीकरण’ रहेको थियो।
सिक्किम लगायत अतिथि प्यानिस्टहरूको उपस्थितिमा सम्पन्न यस प्यानल चर्चामा सिनेमालाई कलाको रूपमा छलफल गरियो। प्यानलिस्टहरूले फिल्म उद्योग समक्ष आउने मानव संसाधन सम्बन्धित वाधाहरूमाथि छलफल गरे। वक्ताहरूले सिनेमाको आधारभूत ज्ञानको आवश्यकता र फिल्म निर्माणमा टिमवर्कको महत्त्वमा जोडि दिइयो भने यस क्षेत्रमा उत्तर पूर्वका उदीयमान कलाकारहरूको बढ्दो योगदानको सराहना गरियो।
यसैगरी, वक्ताहरूले क्षेत्रीय सिनेमाको महत्त्व, स्वतन्त्र फिल्म निर्माणमा बढ्दो अवसरहरू र विविध दर्शकहरूसँग प्रतिध्वनित हुने अर्थपूर्ण सामग्री सिर्जना गर्ने आवश्यकतामा छलफल गरे। उनीहरूले फिल्म निर्माताहरू, कलाकारहरू र रचनात्मक व्यवसायिकहरूलाई आफ्नो काम प्रदर्शन गर्न र विचारहरू आदान-प्रदान गर्न मञ्च प्रदान गर्न फिल्म महोत्सवहरूको महत्त्वलाई पनि प्रकाश पारे।
यस अतिरिक्त, प्यानलिस्टहरूले फिल्म उद्योगमा रहेका चुनौतीहरू र अवसरहरू, जसमा परिवर्तनशील दर्शकहरूको प्राथमिकता, डिजिटल प्लेटफर्महरू, उदीयमान प्रविधिहरू र कथा कथनमा मौलिकता जोगाउने महत्त्वबारे पनि आफ्ना विचारहरू राखेका थिए। अन्तरक्रियात्मक सत्रमा आकांक्षी फिल्म निर्माताहरू, विद्यार्थीहरू, कलाकारहरू र सिनेमा उत्साहीहरू सहभागी बनेका थिए।