एसडीएफको सदस्यता नवीकरण शुरू, 4 मार्चसम्म चल्नेछ अभियान

गान्तोक, 22 जनवरी । सिक्किम डेमोक्रेटिक फ्रण्ट (एसडीएफ) पार्टीले 22 जनवरीलाई पार्टी सदस्यता नवीकरण दिवसको रूपमा पालन गऱ्यो। राजधानीस्थित पार्टी मुख्यालयका साथै नाम्ची र जोरथाङस्थित पार्टी कार्यालयहरूमा आज पार्टी सदस्यता नवीकरण अभियान सम्पन्न भयो।
उक्त जानकारी एसडीएफ प्रचार-प्रसार वरिष्ठ उपाध्यक्ष कृष्ण खरेलले आज प्रेस विज्ञप्तिमा दिएका छन्। पार्टी अध्यक्ष पवन चामलिङबाट शुभारम्भ भएको सदस्यता नवीकरण अभियानमा पार्टी कार्यकर्ताहरूले उत्साहको साथमा भाग लिएको बताइएको छ।
पार्टी सदस्यता नवीकरण अफलाइन र अनलाइन गर्न सकिने व्यवस्था गरिएको तथा तीनैवटा पार्टी कार्यालयमा १०६३ जनाले अफलाइन र १५७५ जनाले अफलाइन गरी जम्मा 2638 जनाले सदस्यता नवीकरण गराएको उनले जानकारी गराएका छन्। उनले सदस्यता नवीकरण अभियान आजबाट शुरू भएर आगामी 4 मार्चसम्म जारी रहने पनि बताएका छन्।